Тэртээ 1984 оны 07-р сарын 05-ны өдөр "Талх Чихрийн комбинат" нэртэйгээр ЗХУ-н техник, эдийн засгийн туслалцаатайгаар одоогийн Сонгинохайрхан дүүргийн Москва хорооллын баруун талд барьж ашиглалтад оруулсан. Тус комбинат хоногт 90тн талх, жилд 5000 тн төрөл бүрийн чихэр, 6550 тн жигнэмэг, өрмөнцөр, бялуу, 800 тн жимсний чанамал үйлдвэрлэх хүчин чадалтай байгуулагдсан. 2004 оноос 2013 оны хооронд Үйлдвэрийн тоног төхөөрөмжүүдийг Европын холбооны улсуудын орчин үеийн техник, технологиор 100% шинэчлэв

1999 онд хувьчлагдаж “Талх Чихэр” ХК болов.

2004 Дугуй талх үйлдвэрлэх компьютерын удирдлагатай иж бүрэн шугам ашиглалтанд оруулав.

2006 Зууван болон дөрвөлжин хэлбэрийн талх үйлдвэрлэж, стандартын дагуу зүсэж савласан талхны хэрэглээг бий болгов.

2010 онд Салбартаа тэргүүлэгч Европын холбооны БНЧУ, Голланд, Итали мөн БНХАУ-н нарийн боов үйлдвэрлэх автомат ажиллагаатай, компьютерын удирдлага бүхий хоёр урсгал шугам суурилуулсан.

Одоо тус компани 4 үйлдвэр, 9 албад нэгжийн 700 гаруй ажиллагсадтай, нийт ажиллагсадын 90% нь мэргэжлийн сургууль төгссөн, ИТА-ны 60% нь ОХУ-д их дээд сургууль төгссөн болон мэргэжил дээшлүүлсэн бол инженер техникийн ажилчид өөрийн орны их дээд сургуулийг техникийн болон технологи, санхүү эдийн засгийн чиглэлээр төгссөн.  Сүүлийн хоёр жилийн хугацаанд 150 орчим ажлын байрыг шинээр нэмэгдүүлээд байна.

Зууван хэлбэрийн талх үйлдвэрлэх урсгал шугам суурилуулж баяжуулсан дөрвөн төрлийн Та Чи талх худалдаанд гаргав.

Талх савлах бүрэн автомат машин суурилуулсан Монгол улсад анхдагч савалгааны технологи юм.

2013 "Талх Чихэр" ХК  өөрийн микробиологийн болон химийн хоёр лабораторио итгэмжлүүлж ISO/IEC 17025:2005 олон улсын стандартын гэрчилгээг гардан авсан.

Франц улсын уламжлалт технологиор Френч багет брэндийг үйлдвэрлэж эхэллээ.

Итали улсын Чаналгын бүрэн автомат шугам ашиглалтанд оруулсан. Мөн нарийн боовны савлагааг иж бүрэн автоматжуулав.

“ТАЛХ ЧИХЭР” ХК нь 20 гаруй нэр төрлийн талх, 30 гаруй нэр төрлийн нарийн боов, төрөл бүрийн бялуу, 10 гаруй нэр төрлийн жигнэмэг, 10 гаруй төрлийн зөөлөн чихэр, мармелад, зөөлөн чихрийн цуглуулга үйлдвэрлэж байна. Өдөр бүр Улаанбаатар хотын 3000 гаруй цэгт түгээлт хийхээс гадна Төв аймаг, Дархан, Эрдэнэт, Сэлэнгэ зэрэг хөдөө, орон нутгийн хэрэглэгчдийн хэрэгцээг хангаж байна.

Үйлдвэрлэсэн бүтээгдэхүүнийг зориулалтын тээврээр хүргэх асуудлыг үйлдвэрлэгч компани бүрэн шийддэг бөгөөд өөрийн автогражийн парк шинэчлэлийн ажлыг төлөвлөсний дагуу 2003 онд хийж БНСУ-аас хүнсний бүтээгдэхүүн тээвэрлэх зориулалтын хөргүүртэй, хөргүүргүй жижиг оврын автомашин оруулж ирсэн. Одоогоор том, жижиг 80 гаруй машин бүхий автопарк ажиллаж байна.

• ОХУ-ын уламжлалт “Бородино”, Сэндвич, Бургер талхыг үйлдвэрлэж эхлэв.
• Чанарын удирдлагын тогтолцооны ISO 9001:2008 олон улсын стандартыг “Салбартаа анх удаа” нэвтрүүлсэн.
• “Шилдэг Татвар Төлөгч” аж ахуйн нэгжээр шалгарав.

• 2016 Бид Монгол улсын ТОП-50 аж ахуйн нэгжээр шалгарлаа.
• 2016 Талх, Нарийн боовны үйлдвэрт тус бүр 30’000 м3 агаарыг шүүж, цэвэршүүлэх бүрэн автомат агааржуулалтын системийг суурилуулсан.
• 2016 Халаалт болон дулааны узелийн системийг шинэчлэн ашиглалтанд орууллаа.

Чех улсын 14 компанийн 2 давхар пийшэнтэй талхны иж бүрэн урсгал шугамыг Ази тивд анх удаа ашиглалтанд орууллаа.

Хүнсний аюулгүй байдлын тогтолцооны ISO 22000:2018 олон улсын стандартыг гурил, гурилан бүтээгдэхүүний салбартаа анх удаа нэвтрүүлэв.

Талх 30 нэр төрөл, нарийн боов 35 нэр төрөл, бялуу болон бэйкери  60 нэр төрөл, жигнэмэг 10 гаруй нэр төрлийг тус тус үйлдвэрлэж, Итали улсын CEPI компаниас 500тн гурил вакум орчинд хадгалах, дамжуулах зориулалт бүхий иж бүрэн системийг угсарч суурилуулав.

"Онцгой" брэндийн 6 нэр төрөл бүхий бүтээгдэхүүнийг зах зээлд нэвтрүүлж, ХХААХҮЯ-ны “Шинэ нэр төрлийн шилдэг бүтээгдэхүүний шагнал”-ын эзэн болов.

Монголд бейкери төрлийн бүтээгдэхүүний эрэлт хурдацтай өсөн нэмэгдэж байгаагийн хэрээр “Хотол” бялууны үйлдвэрийг салбартаа чанар технологиор тэргүүлэгч болохын тулд хичээнгүйлэн ажиллаж байна. Бялуу, бэйкери төрлийн бүтээгдэхүүн нь нарийн мэдрэмж, технологи ажиллагаа, эрүүл ахуйн өндөр хяналт шаарддаг бөгөөд түүхий эд болон бүтээгдэхүүний судалгаа, хөгжүүлэлтийн үндсэн дээр 100 гаруй бүтээгдэхүүн үйлдвэрлэн худалдаанд гаргаж байна.

“Ухаалаг хэрэглэгч” хөтөлбөр хэрэгжүүлж, байгаль орчинд ээлтэй, ухаалаг хэрэглэгээг дэмжин, хэрэглэлчдэд хэвшүүлж эхлэв.

Европын шилдэг бүтээгдэхүүн болох Чиабатта, Кайзер ролс бүтээгдэхүүнийг Герман технологи, арга барилаар үйлдвэрлэж, “Martin’s bread” нэрээр зах зээлд нийлүүлэв.

Орчин үеийн хэрэглэгчдийн чиг хандлагад нийцсэн бүтээгдэхүүн үйлдвэрлэх зорилгоор гурил, гурилан бүтээгдэхүүн үйлдвэрлэгч “Талх Чихэр” ХК болон мах, махан төрлийн бүтээгдэхүүн үйлдвэрлэгч “Мах Импекс” ХК хамтран “Дэлхийн брэндийг дураараа бүтээе” уриатай “Khaan” брэндийн бургер, хотдогны талхыг зах зээлд нэвтрүүллээ.

Залуу гэр бүлүүдэд зориулан “Түмэн насан” брэндийн “Өв соёл” хэвийн боовыг зах зээлд нэвтрүүлэв. Энэхүү бүтээгдэхүүн нь өрх тусгаарлаж, гал голомтоо бадраасан залуу гэр бүлүүдэд зориулагдсан. Мөн “Ковид-19”-ийн үед Монголын үндэсний уламжлалт баяр болох “Цагаан сар”ын баяраар айл хотлоор зочлохгүйгээр ам бүлээрээ гэр гэртээ өв соёлоо дээдлэн, жижиг ч гэсэн тавгийн идээ засах хэрэгтэй гэсэн соёлыг хэрэглэгчдэд хүргэж чадсан.

Хүүхэд багачууддаа зориулан хэзээ ч хаана ч идэх боломжтой өег, зөөлөн "АМТЛАГ" брэндийн 5 төрлийн бүтээгдэхүүнийг үйлдвэрлэн зах зээлд нэвтрүүллээ.