Видео реклам



Мэдээ

2014-12-19

Нийслэлийн хүүхэд багачууд тэр дундаа Сонгинохайрхан дүүргийн хүүхэд багачууд, залуучуудын гэр бүлээрээ чөлөөт цагаа зөв хөгжилтэй өнгөрөөдөг, орчны өнгө үзэмжийг чимсэн цөөн хэдэн газрын нэг болох "Талх Чихэр" ХК-ийн ТАЧИ мөсөн хотхон жил бүр сүндэрлэн баригддаг уламжлалтай.

ТАЧИ мөсөн хотхон энэ шинэ оны баярыг угтан үүд хаалгаа нээлээ. ТАЧИ мөсөн хотхоныг 150тн мөсөөр 22 хоногийн турш чадварлаг 17 уран барималч залуус нарийн ур хийцтэй, олон бүтээлүүдийг урлан, хийж бүтээсэн.

АНУ, Япон, Солонгос, Хятад зэрэг дэлхийн олон оронд жил бүрийн зул сарын баяр болон томоохон арга хэмжээнүүдэд зориулан мөсөн хотхон бүтээдэг бөгөөд мөсөн урлөл нь урлагийн бүтээл болсон юм. Иймээс чадварлаг уран барималч залуусын бүтээсэн ТАЧИ мөсөн хотхоныг дэлхийн бусад улс орнуудад баригддаг мөсөн хотхоноос дутхааргүй урлан бүтээх зорилгоор ажилласан "Талх Чихэр" ХК-ийн хамт олны итгэл сэтгэл биелэлээ олж, хүүхэд залуусыг заавал очих газрын нэг болсон тул ТАЧИ мөсөн хотхонд зочлохыг уриалж байна.

2014-11-24

Өдөр бүр гэртээ, сургууль дээрээ амтархан иддэг талх нарийн боов, жигнэмэгийг хэрхэн үйлдвэрлэдэг талаар сонирхохоор “Ирээдүй” цогцолбор сургуулийн Б.Будцэцэг багштай 5А ангийнхан өнөөдөр манай компанийн талх, нарийн боов, жигнэмэг чаналагын үйлдвэрүүдтэй танилцлаа.
Тус анги “Сонгинохайрхан дүүргийн бахархал” сэдвийн хүрээнд манай компанийг сонгон үйлдвэрүүдтэй танилцсан нь энэ юм. Хүүхдийн сониуч зан, гайхширсан харц, инээд хөөр бидэнд урам хайрлалаа. Үйлдвэрээр зочилсон бяцхан сурагчиддаа сурлагын өндөр амжилт хүсье!


2014-11-22

XVII жарны Ялгуусан хэмээх Модон морин жилийн Намрын адаг хөх нохой сарын шинийн 22 буюу 11-р сарын 13-ны өдөр Бурхан багшийн их дүйцэн өдөр тохиолоо. 

Энэ өдөр Монгол бөхийн өргөөнд зохион байгуулагдсан номын их цэнгүүнд Үндэсний үйлдвэрлэгч "Талх Чихэр" ХК хүндэтгэл үзүүлж "Түмэн насан", "Атар" хэвийн боовоор идээ засаж, сүсэгтэн олонд идээний дээж тахилын боовоор бэлэг барилаа.

"Талх Чихэр "ХК нь нийгмийн хариуцлагын хүрээнд уг номын цэнгүүнийг зохион байгуулахад томоохон үүрэг гүйцэтгэгч идэвхитэй оролцогч байгууллагуудын нэг юм.

Бурхан багшийн эхээс мэндэлсэн, 37 насандаа бурхны хутгийг олж гэгээрсэн, мөнхүү 81 сүүдэртээ гаслангаас хагацан нирваан дүр үзүүлсэн энэхүү гурван их үйл тохиосон өдрийг Бурхан багшийн их дүйцэн өдөр хэмээн нэрлэдэг.

Номын цэнгүүний үеэр Монголын бурхан шашинтны шинэ төвийн тэргүүн, хамба номун хан З.Санждорж энэхүү тайлбар лекцийг өөрийн биеэр удирдаж сүсэгтэн олонд бурхан багшийн тэнгэрийн орноос залран ирсэн тухай тайлбарлаж, буян даллага дуудаж, мандал өргөн Дашчийравын сан тавьсан юм. Мөн "Бурхан багшийн чого", "Ганжуур", "Данжуур" номыг "Монголын их хүрээ хийд"-ийн лам хуврагууд айлдлаа.

Дашрамд дурьдахад бурхан багш төрөл таалсан ээжийнхээ ачийг хариулахаар 33 тэнгэрийн орноо залран очиж, ээждээ болон бусад тэнгэрүүдэд гурван сарын турш ном айлдаж, дээдийн номын өглөгөөр ээжийгээ орчлонгоос гэтэлгэж, нирвааны хутагт хүргэн ачийг нь хариулаад Намрын адаг сарын 22-ны өдөр тэнгэрийн орноос эргэж Замба тивд залран ирсэн түүхтэй. Тэр цагаас хойш энэ өдрийг бурханы шашинт орнуудад "Эхийн ачийг хариулсан их дүйцэн өдөр" хэмээн өргөн дэлгэр тэмдэглэж, эцэг эхийн ачийг санаж, буян номд шамддаг уламжлал тогтжээ.

Талхны үйлдвэр

Үйлдвэрийн танилцуулга

     Талхны үйлдвэр нь анх 1984 онд хоногт 90тн Дугуй талх үйлдвэрлэх хүчин чадалтай байгуулагдаж өнөөг хүртэл 24 цагаар тасралтгүй үйл ажиллагаа явуулж ирсэн. Тус үйлдвэр нь  үйлдвэрийн дарга,  инженер, мастер, технологич, механикч, технологийн ажилчид зэрэг нийт 4 ээлжийн 200-д хүний бүрэлдэхүүнтэй ажилладаг. Үйлдвэрээс нь шуудайгүйгээр тээвэрлэсэн 20тн гурилыг  хүлээн авах 16 силос, зуурмаг бэлтгэх,  хэвлэх,  хөөлгөх,  жигнэх, бэлэн бүтээгдэхүүнийг зүсэж савлах гэсэн үндсэн 6 дамжлагатай.

     2004 оноос эхлэн инновацийн хөтөлбөрийн хүрээнд Талхны үйлдвэрийг өргөтгөн,  техник, технологийг иж бүрэн шинэчлэснээр Европын хэрэглэгчдийн хэрэглэдэг бүтээгдэхүүнийг өөрийн үйлдвэртээ үйлдвэрлэн хэрэглэгчдэд хүргэх боломжтой болсон.

       “Талх Чихэр” ХК-ийн Талхны үйлдвэр талхыг их өтгөн хөрөнгийн болон хөх тарианы талх үйлдвэрлэх сонгодог технологид тооцогддог шингэн хөрөнгийн аргаар үйлдвэрлэдэг тул хөх тарианы талх нь өвөрмөц, тааламжтай үнэр, амттай, зөөлөн хэсэг нь бор саарал өнгөтэй, жигд сийрэгжилттэй, чийглэг болдог давуу талтай. 

        Өнөөдөр тус үйлдвэр 30 жилийн түүхтэй  Атар дугуй талх, хамгийн анхны зүссэн талх болох Мишээл, Ургац, Зууван чех, Сүүтэй чех болон шинээр Луувантай, Олон үртэй, Эрдэнэшиштэй зэрэг 20 -иод нэр төрлийн 0,3-0,6кг жинтэй хөх тарианы болон баяжуулсан талхыг ургах нартай уралдан үйлдвэрлэж хэрэглэгч түмэндээ өдөр бүр хүргэж байна.

Хамгийн сүүлд буюу өнгөрсөн 09-р сард Франц улсын жинхэнэ Багет талхыг сонгодог технологиор үйлдвэрлэн 'FRENCH BAGUETTE' нэртэйгээр худалдаанд гаргаж эхэллээ.

Тус компани 2014 онд Франц улсын Bongard, Испани улсын Ciberpan, Бүгд Найрамдах Чех улсын Topos зэрэг компаниудтай байгуулсан хөрөнгө оруулалтын гэрээний дагуу багет талх үйлдвэрлэх иж бүрэн  тоног төхөөрөмж, технологийг "Талх Чихэр" ХК-ийн инженер, техникийн ажилчид гадны мэргэжилтэнүүдтэй хамтран талхны үйлдвэртээ суурилуулсан.



дэлгэрэнгүй

Нарийн боовны үйлдвэр

Үйлдвэрийн танилцуулга

        Нарийн боовны үйлдвэр нь 2 цехийн нийт 100 гаруй ажилтан, ажиллагсадтай, жигнэлт, чанах гэсэн хоёр цехэд 30-д нэр төрлийн нарийн боов үйлдвэрлэн худалдаанд гаргадаг.

 



дэлгэрэнгүй

Бялуу, чихрийн үйлдвэр

Үйлдвэрийн танилцуулга

        “Талх Чихэр” ХК-ийн Бялуу, чихрийн үйлдвэр  анх 1984 онд  жилд 5000тн төрөл бүрийн чихэр, 6550тн жигнэмэг, өрмөнцөр, бялуу, 800тн жимсний чанамал үйлдвэрлэх хүчин чадалтай байгуулагдаж байсан түүхтэй. 

        Одоо Бялуу, чихрийн үйлдвэр Сонгодог, Хотол, Баярын зэрэг төрөл бүрийн бялуу, хоёр төрлийн зөөлөн чихэр, 2 төрлийн бүржмэл /мармелад/, төрөл бүрийн зөөлөн чихрийн цуглуулга үйлдвэрлэж байна.

дэлгэрэнгүй

Жигнэмэгийн үйлдвэр

Үйлдвэрийн танилцуулга

        Жигнэмэгийн үйлдвэр нь 1984 оны 07 сарын 05-ны өдөр үүсэн байгуулагдаж 30 дахь жилдээ жигнэмэг, өрмөнцөр үйлдвэрлэн борлуулах үйл ажиллагаа явуулж байна. Манай үйлдвэр нь  үйлдвэрийн дарга,  маркетингийн менежер, нярав, нягтлан, мастер, технологич, механикч, технологийн ажилчид зэрэг 60 гаруй хүний бүрэлдэхүүнтэйгээр үйл ажиллагаа явуулж байна.



дэлгэрэнгүй